Polisi Defnyddwyr Ofcom

Cyflwyniad

Cyflwyniad

Ofcom yw rheoleiddiwr annibynnol teledu, radio, telegyfathrebiadau a gwasanaethau cyfathrebu diwifr yn y DU. Mae’r gyfraith a sefydlodd ni yn datgan bod rhaid i ni gyflawni’n rôl mewn modd sy’n helpu pobl yn eu rôl fel defnyddwyr ac fel dinasyddion. Mae’r llyfryn hwn yn grynodeb o ymgynghoriad sy’n disgrifio’n hymagwedd at helpu pobl yn eu rôl fel defnyddwyr. Nid yw’n cwmpasu ein rôl fel dinasyddion. Byddwn yn bwrw golwg ar y rôl honno mewn prosiectau eraill. Nid yw’r ymgynghoriad hwn yn cwmpasu rhaglenni teledu a radio - rydym yn canolbwyntio yma ar wasanaethau telegyfathrebu sefydlog a diwifr, a’r gwasanaethau darlledu (fel teledu lloeren a chebl) a ddefnyddir i gyflwyno’r rhaglenni hynny.

Y syniad sydd y tu ôl i’r ddogfen hon yw rhoi crynodeb i chi o’n cynigion ni. Mae’n disgrifio’r hyn yr ydym yn ystyried y dylem ni ei wneud i helpu defnyddwyr, ac ymhle y dylem ni ganolbwyntio’n hymdrechion dros y ddwy neu dair blynedd nesaf. Byddem yn hoffi cael eich barn am y cynigion hyn.

Cewch weld y ddogfen ymgynghori gyfan ar ein gwefan yn www.ofcom.org.uk. Rydym wedi ceisio osgoi defnyddio jargon, ond mae’r eirfa ar ddiwedd y ddogfen hon yn esbonio rhai termau technegol.

Mae'r ddogfen lawn islaw